Касами: Таравари ќе биде министер „уште некој ден“

Таравари во владата ќе биде уште некој ден. Тетовскиот градоначалник и еден од лидерите на БЕСА, Биљал Касами, вели дека во наредните денови ќе има конкретни активности од премиерот Мицкоски во таа насока. 

-Ќе видиме до кога, уште некој ден. Се договоривме за тајмингот на активностите кои ќе треба да се преземат во наредните денови, но она што е важно и она што го кажавме, нема соработка со ДУИ и Владата. Ова го договоривме со премиерот и, се разбира, ќе има конкретни активности во наредните денови, рече Касами.