Јанев: Со мојот тим создаваме услови секој полицаец да се чувствува почитуван и мотивиран

Задоволство и чест ми беше да бидам дел од денешниот марш организиран од СВР Струмица, кој се одржа на релација од с. Банско до водопадите кај с. Габрово и назад – вкупно 11 км. Овој настан беше можност за дружење со колегите кои секојдневно, со посветеност и пожртвуваност, ја обезбедуваат јавната безбедност во Струмица и регионот, напиша на Фејсбук директорот на БЈБ, Александар Јанев.

Маршот не беше само физичка активност, туку и силен симбол на заедништво, доверба и солидарност. Неформалните разговори со колегите ми потврдија дека во полицијата имаме не само исклучителни професионалци, туку и луѓе со срце, совест и чувство за одговорност. Нивната енергија и искреност ме мотивираат и потврдуваат дека полицијата има вистински херои, подготвени да дадат повеќе од потребното, истакна Јанев.