Се играле кога се слушнал истрел: Петгодишно братче ја застрелало помалата сестричка

Петгодишно дете со воздушна пушка си ја повредило четиригодишната сестричка.

Повреденото девојче е во стабилна состојба и без сериозни последици.

Обвинителството е информирано за инцидентот, а дежурниот обвинител наредил истрага на лице место.

Инцидент се случил во Љубушки на 1 август кога брат (5) ја застрелал својата малолетна сестра (4) додека си играл.

Обвинителството потврди за Hercegovina.info дека дежурниот обвинител Јосип Аничиќ бил информиран за инцидентот и наредил истрага на лице место.

- Според моментално достапните информации, брат (5) и сестра (4) си играле во семејната куќа кога е пукано од воздушна пушка - изјави Петруњела Матијевиќ, портпаролка на обвинителството ЖЖ, за Hercegovina.info, како што објави Srpskainfo.

Таа додаде дека полицајците, по наредба на обвинителот, се во процес на испрашување на сведоци, со цел да утврдат како пушката се нашла во дофат на децата и кој ја оставил таму.

Според неофицијални информации, девојчето е добро и стабилно, без сериозни последици.