Уште еден скопјанец почина од грип
Од Клиниката за инфективни болести денеска информираат дека во текот на вчерашниот ден починал 80-годишeн пациент од Скопје, кај кој е добиена лабораториска потврда за присуство на инфлуенца A/H1/N1.
Пациентот еден ден бил хоспитализиран на Инфективната клиника со тешка билатерална пневмонија, хронична срцева слабост, како и претходно прележан миокарден инфаркт и мозочен удар. И покрај спроведената антивирусна терапија и напорите на лекарите, пациентот починал.
На клиниката за инфективни болести во моментот се хоспитализирани 100 пациенти со симптоми и клиничка слика на грип, од кои 6 лица се лекуваат на одделението за интензивна нега.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
