Мечка се нагости на софра во тетовско Отуње

Мештани на тетовско Отуње со мобилен телефон успеале да го снимат моментот кога мечка се качила на тераса од нивната семејна куќа и почнала да ја јаде оставената храна, јави „Тетово инфо“.

Членовите на семејството во моментот биле внатре во куќата. Од влезната врата го снимиле животното кое без страв шетало по терасата и се качило на масата.

Слични случаи летово биле забележани и во соседните села Сетоле и Једоарце. Камери за видеонадзор снимиле мечки кои демолираат пчеларници и бараат остатоци од храна околу куќите.