Израел ја погоди иранската државна телевизија

Израелските одбранбени сили (ИДФ) изведоа офанзива врз Информативната мрежа на Исламска Република Иран (ИРИНН), која е под контрола на државниот радиодифузер ИРИБ, пренесоа израелските медиуми.

Според изворите, програмата на државната телевизија на Исламска Република Иран е привремено стопирана.

Оваа акција дојде откако израелскиот министер за одбрана, Израел Кац, рече дека “иранскиот мегафон на пропаганда и поттикнување е на работ на исчезнување”.

Кац исто така изјави дека е започната евакуација на населението од Техеран.

По краток прекин, ИРИБ продолжи со емитување на програмата, а на екраните се појави порака: “сите програми продолжуваат во живо, без прекини”, и дека Израел “во брутален напад гаѓал една од зградите на иранската државна телевизија”.