Хорор во дворот на основното училиште во Рожнава: Жена убиена од сопругот пред очите на синот

Жена го загуби животот откако маж ја избодел со нож во дворот на основно училиште во градот Рожнава во источна Словачка. Сè се случило пред очите на нејзиниот син (8).

Според информациите потврдени од полицијата и министерот за образование Томаш Друкер, нападот се случил во дворот на евангелистичко училиште, а осомничениот, според локалната телевизија, ја нападнал сопствената сопруга пред очите на нивниот осумгодишен син.

Полицијата веднаш реагирала на пријава за физички конфликт меѓу две лица, но за жал ситуацијата брзо ескалирала и жената била смртно повредена, blesk.cz.

И покрај брзата интервенција на брзата помош, жената починала за време на транспортот до болницата. Според извештаите, таа претрпела многу сериозни повреди на стомакот и градите.

Напаѓачот се обидел да избега по злосторството, но набрзо бил уапсен. Според извештаите на медиумите, тој бил приведен од граѓани со помош на општинската полиција, која го запрела затоа што носел крвава облека.

„Го сметам овој чин за крајно неприфатлив. Се случи на место кое треба да биде симбол на безбедност и доверба за децата и нивните семејства“, изјави министерот Дракер во официјално соопштение.

Инцидентот се случува само неколку месеци откако средношколец во Спишка Стара Веса на истокот од земјата избоде две лица до смрт во јануари. Случајот се истражува како тешко убиство, за кое осомничениот се соочува со доживотен затвор.