ФОТО: За 100 минути истури дожд повеќе отколку за цел месец - Силно невреме направи хаос во Хрватска

Силно невреме вчера попладне ја зафати Истра во Хрватска и направи хаос. Според информациите од хрватските медиуми, најпогодени се градот Медулин и околината каде има поплавено згради и улици. 

Од општината побараа од сите жители да не користат возила, доколку тоа не е потребно, за да се овозможи непречено работење на службите за итни случаи, но и за да се избегнат доцнења и можни штети на возилата од поплави.

„ИстраМет“ известува дека огромни количини дожд наврнале на југот на Истра, и дека за 100 минути имало двојно повеќе дожд од она што нормално паѓа за еден месец.

Според податоците, наврнале 120 мм дожд.