Екстремни горештини во Португалија: Загинаа над 260 лица
Португалија се соочува со сериозни последици од екстремните горештини. Според податоците од Португалскиот генерален директорат за здравство, минатата недела 264 лица починале како резултат на високите температури. Најголем дел од жртвите се лица со хронични болести и оние над 75 години.
Поради новиот топлотен бран што се очекува да трае до 7 август, португалската влада прогласи состојба на тревога. Министерството за внатрешни работи соопшти дека неделата ќе биде исклучително тешка, а за пет области е издадено црвено тревога. Се очекува температурите да достигнат или надминат 40 степени Целзиусови.
Освен горештините, земјата се бори и со шумски пожари. Моментално се активни над 90 пожари, во чие гаснење учествуваат речиси 2.000 пожарникари, со поддршка од 616 возила и 22 авиони.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
