Една година затвор и шест години забрана за политичка активност, судот ја потврди пресудата за Додиќ
Апелациониот оддел на Судот на Босна и Херцеговина ја потврди првостепената пресуда против претседателот на Република Српска Милорад Додик, потврди за RTRS адвокатот на Додик, Горан Бубиќ.
Адвокатскиот тим на Додик и Обвинителството на БиХ поднесоа жалба на првостепената одлука на Судот на БиХ.
Како што изјави Бубиќ за RTRS, Судот на Босна и Херцеговина телефонски соопшти дека жалбите и на одбраната и на Обвинителството на Босна и Херцеговина се отфрлени и дека првостепената пресуда е потврдена во целост. За потсетување, Додик беше осуден првостепено на една година затвор и шестгодишна забрана за политичка активност поради непочитување на одлуките на Кристијан Шмит.
Обвинителството побара зголемување на затворската казна и забрана за вршење политичка функција, додека одбраната побара пресудата да се поништи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
