ДУИ: Дали во февруари 2025 во Општина Куманово имало средба меѓу Меџити и Вулин за српска инвестиција во „Битолска Банка“

Во интерес на транспарентноста и правото на граѓаните на информираност, ја отвораме следната дилема за која јавноста заслужува одговори:

Дали во февруари 2025 година, во кабинетот на градоначалникот на Куманово, Максим Димитриевски, во присуство на заменик-премиерот Стоилкович, се одржала средба меѓу Изет Меџити и Александар Вулин, на која била разгледувана и координирана значајна српска инвестиција во „Битолска Банка”?, прашуваат од ДУИ.

„Доколку овие информации се точни, јавноста мора да биде запознаена со мотивите, содржината и последиците на таков состанок. Секоја непрозирност во врска со меѓународни финансиски интереси отвора сериозни сомнежи за политичко влијание и зависност.

Затоа, ги повикуваме сите инволвирани страни – градоначалникот на Куманово, заменик-премиерот Стоилкович и Изет Меџити  да дадат јасни и навремени појаснувања пред јавноста“, стои во соопштението од ДУИ.