Земјотрес од 6 степени по Рихтер го погоди Тајван

Земјотрес со јачина од 6 степени според Рихтеровата скала денеска го погоди североисточниот брег на Тајван, информира Тајванската метеоролошка управа.

Според податоците, епицентарот на потресот бил на длабочина од 112 километри, а земјотресот бил силно почувствуван и во главниот град Тајпеј.

Засега нема информации за повредени лица или материјална штета, јави Ројтерс.

Локалните власти апелираа до граѓаните да останат внимателни и да ги следат официјалните упатства, имајќи предвид дека постои можност за последователни афтершокови.