Трамп бара повторно отворање на Алкатраз за "најзлобните криминалци"

Американскиот претседател Доналд Трамп повика на повторно отворање на озлогласениот затвор Алкатраз. Во објава на неговата социјална мрежа Truth Social, Трамп предупреди дека Америка е „мачена од сурови, насилни и сериски криминалци, отпадоци од општеството, кои никогаш нема да придонесат за ништо друго освен за беда и страдање“.

„Кога бевме посериозна нација, не се двоумевме да ги затвориме најопасните криминалци и да ги држиме подалеку од секого на кого можеа да му наштетат. Така треба да биде. Повеќе нема да толерираме овие сериски криминалци да шират нечистотија, крвопролевање и хаос по нашите улици.“

Затоа денес му наложувам на Бирото за затвори, во соработка со Министерството за правда, ФБИ и Министерството за внатрешна безбедност, повторно да го отворат значително проширениот и реновиран АЛКАТРАЗ за да ги сместат најзлобните криминалци во Америка.

Повеќе нема да бидеме заложници на криминалци, бандити и судии кои се плашат да си ја работат работата и ни дозволуваат да ги отстрануваме криминалците кои нелегално влегле во нашата земја. Повторното отворање на Алкатраз ќе служи како симбол на закон, ред и правда“, напиша Трамп.