Опасно по експлозијата во Богданци: Децата пуштени од училиште

Тројца загинати, а едно лице е повредено во експлозија во фабрика за мали плински боци во Богданци.

Како што информираше за Телма телевизја, градоначалничката на Богданци, Анастасија Олумчева во мометов пожарот е локализиран, но екитите се уште се на терен.

На лице место покрај пожарникарски екипи, пристигнала и брзата помош, повредениот е пренесен во болница. Од гевгелиската болница информираат дека поради комплицираност на повредите, изгореници од 2 и 3 степен, возрасниот маж е испратен на лекување во Центарот за опекотини во Скопје.

„Загаденоста на воздухот во околината е забележителна“, рече Олумчева.

Децата од околното основно училиште биле пуштени дома, бидејќи веднаш по екслозијата снемало електична енергија.

Станува збор за фабрика каде се работи во три смени, а во мометот на експлозиите на работа биле 11 вработени.

Фабриката за плински боци е сместена на влезот во градот Богданци.