Владина делегација на Грција ќе се сретне со ЕУ и ММФ
Грчка владина делегација денеска ќе пристигне во Париз на нова серија разговори со меѓународните кредитори - Европската унија и Меѓународниот монетарен фонд.
Европската комисија средбата во Париз ја оцени како „подготвителна“ за оценката од тројката меѓународни кредитори (ЕУ, Европската централна банка и ММФ) за исполнување на грчката економска програма. Средбата на ЕУ, ЕЦБ и ММФ со грчките претставници ќе се одржи во текот на месецот во Атина.
Грчката делегација во Париз ќе претстојува до четврток, при што ќе има средби и со министрите за финансии, за труд, за правда и за административни реформи.
Владата на премиерот Андонис Самарас се надева дека меѓународните кредитори ќе одобрат договор за намалување на грчкиот долг.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
