(ВИДЕО) Пукање во Торонто: Еден загинат, петмина ранети

Еден маж е убиен, а пет лица се ранети во пукотница што се случи синоќа во населбата Лоренс Хајтс во Торонто, соопшти полицијата.

Полицијата го примила повикот по 20:30 часот по локално време, објави CTV News.

По пристигнувањето, полицајците пронашле неколку ранети лица во преминот помеѓу станбена зграда и патот.

Според властите, маж на возраст од околу 40 години починал на самото место, додека пет лица, меѓу кои четири мажи и една жена, биле префрлени во болница со повреди кои не се опасни по живот.

„Моментално бараме повеќе осомничени“, соопшти полицијата, додавајќи дека сè уште не е познато дали напаѓачите избегале со возило.

На местото на настанот не е пронајдено оружје.

Собирањето докази и интервјуата со сведоци се во тек.

Градоначалничката на Торонто, Оливија Чау, изјави дека е вознемирена од инцидентот и им се заблагодари на службите за итни случаи за нивниот брз одговор.

Полицијата наведува дека во моментов нема опасност за пошироката јавност, но апелира до граѓаните кои имаат какви било информации да се јават.

Истрагата е во тек.